اعرضات عليا الحبيبة ديالي -أسماء خانون للعرس ديالها مع simbach سيمو, إيوا تسلفت التكشيطة و تزرزرت بالذهب - بلاكيور- و مشيت لكوافورة حتى وليت ماكنعرفش راسي ، مشيت للعرس بكري باش نجلس فطابلة قريبة للكوشة ديال لعروسة و ديال الجوق ، تلاقيت مع صديقتي lightheart جايبة معاها كادو واعر -كيلو ديال الكيوي- وأنا راكم عارفين - رابعة ديال crevétes royales- و صديقنا MaRoCaIn PrInCe جايب كيلو ديال ماطيشة ، إيوا دخلنا وتقابلنا مع الgروب كلهم كنعرفهم- fawwazraja و هيجي وw-chakespear و عاشق من بعيد - كيشيروا ليا زعما بغاوني نعلق ليهم 20dh أنا ميكت عليهم ...شوية جابوالقعدة و ناض kimo 795 دردك زيد دردك و الناس تشطح و فرحانين ناض under-ground يشطح مع بسابيسو و GentLmAn حتى هو مع dody الضاوية عجبني الرقص ديالهم كيتحيرو مع لكناوي هههه، ولكن أهل العروسة سقرامين ما حطوا لا حلاوي لا أعاصير لا آتاي حلفوا ما يحطوا والو حتى يجيو عائلة -سيمو simbach- واقيلا مابغاوش ليه لعروسة و الله أعلم ..... شوية و هو يبان ليا - الحاج جمعة شانق على رودي حصلها باغى تدير السحور تحت الكرسي ديال العروسة حرشها nabilviw اللي وراها الفقيه صاحبو كيجمد الماء حيث مسكين كيحماق على ـ أسماء خانون - وهي ماعارفاش و المشكلة رودي حتى هي كتموت على سيمو هههه ...........
الحاج جمعة شدها شدة الأعمى في الظلمة : والله ما نطلق منك حتى يجيوا البوليس و يحصلوك متلبسة .
رودي : بريئة يا عالم بريئة ياناس ، سيمو إللي وزني.... منك لله منك لله ، حسبي الله ونعم الوكيل فيك .
سيمو : واتي سيري فوتيني عليك ، باغة تطيحي الباطل عليا فين كنعرفك ، ياك بيناتنا أنا خليتو ليك شبعي بيه ....على لصقة أووووف
مسكينة رودي بان ليها sghl وهي تفرح : عمو سالم أنقذني من إيد الحاج جمعة حيموتني و موش حنسى لك الgميل ده طول عمري ...
sghl : إيه اللي عملتيه يا بت إنتي يا مفعوصة .....عاملة عمل للحلوة اسومة إخس عليك إخس ، لو عرفوا أهلك في الصعيد عمايلك كانو أطعوك حثت و رموك للكلاب السعرانة ...
رودي كتبكي و الحاج ماكايتعاتقش شوية دخل - كلامونيط و ingenieur d'état للقاعة المتنقلة اللي فالسطح وجايين مفركسين و في إيديهم
-2bouquets de fleurs -- و شافو رودي أم دميعة كتتنخسس و بقات فيهم و تحاماو على الحاج جمعة و تدخلوا أصحاب يوسف كل الطلبة اللي ان عارض عليهم ........العروسة رمات الخاتم في وجه سيمو وقالت ليه : أشنو الي بينك و بين رودي وعلاش احبابك تعطلوا واش ماراضيينش بيا !!!!؟
سيمو : واخا تبقاي بوحدك فالدنيا مانتزوجش بيك !!!!
شوية ولات القاعة بحل ديال الملاكمة لبنات و لعيالات يتناتفو و عمو سالم يصرخ بأعلى صوته :كفاية بأة عيب اللي بتعملوه تعبتوني الله يهدكم زي ما هديتو حيلي يا بgم يا نيلة ،
اخزوا الشيطان !!!! ده ربنا ما يرضاش بكدة ...
الحمد لله سمعو للعم سالم و دار ليهم جلسة صلح واخا مسكين الحاج جمعة طارو ليه شلاغموا هههه ويالله صرطنا العصير والحلوى وشدنا لوجع مانعرف باش صاوبوه و جات للناس صريصرة وكلشي مشاو لديورهم باش ا يتشوهوش
إيوا شفتي أسومة واقيلا شي حد قوس عليك سيري تبخري
الإثنين أبريل 05, 2010 3:24 pm